Tag Archives: biklant

‘एउटा युद्ध’

खोंच बाट विस्फोटित
त्यो शक्तिशाली बमको
यो चिसो धुँवाले
सम्पूर्ण आकाश आज
छोपिएको छ, ढाकिएको छ !
यो विस्फोटन हुनु पहिले
मेघले एकनास गोलाबारी गरेर
यो खोंचलाई उक्साएकै हो
यो खोंचलाई लाल्कारेकै हो !
त्यसैले त खोंच
प्रतिकारमा विस्फोटन गराउन बाध्य भयो
र,
अहिले त्यहि धुँवाको मुस्लो भित्र
स्वयम् खोंचको
धर्ती, आकाश,मेघको
सम्पूर्ण प्राणीहरुको
अस्तित्व तरबारको धारमा उभिएको छ !
लाग्दछ,
यि सबको अस्तित्व आज
यहि मुस्लो भित्र
यहि द्वन्द भित्र
यहि युद्ध भित्र
एकाएक समाप्त हुनेछ
अनि भोलिको बिहानी
कि त,
इन्द्रेणीझैँ रंगिएर आउनेछ
कि त,
मरुभूमिझैँ उराठ भएर आउनेछ !!
©विक्लान्त

Advertisements

ए हिम देशका वायु

(अनुष्टुप छन्द)

 

Image

 

 

 

 

 

ए हिम देशका वायु,म भित्र आउ खेलन

डाफे झै रंगिला रोटी,हिँउकै आज बेलन ।।

 

तिम्रै सितल बेगैले, नेपाली मार्ग कोरन

पिडा लौ देशका आज,विर भएर फोरन।।

 

आउ तिमी युगै बोकी,आँखा खोलेर जाउ न

आउ यो देशमा आउ,कर्म दिएर जाउ न।।

 

तिम्रै कर्मठ हातैले,यो देश माथि लानु छ

पौरखी हात थामेर, चन्द्रमा माथि जानु छ।।

 

ए हिम देशका वायु,त्यसैले आउ खेलन
डाफे झै रंगिला रोटी,हिँउकै आज बेलन ।।

 

–विक्लान्त

फेब्रुअरी ३, २०१४